Төрт қазақстандық боксшы бүкіләлемдік әскерилер ойынының финалына шықты

Қытайдың Ухань қаласында бокстың жартылай финалдық кездесулері өтті, деп хабарлайды Prosports.kz.

2019 жылғы Бүкіләлемдік әскерилер ойындарының алтын медалдері үшін Қазақстаннан: Теміртас Жүсіпов (49 келіге дейінгі салмақта), Ділмұрат Мижитов (-64 кг), Асланбек Шымбергенов (-69 кг) және Абзал Құттыбеков (-91 кг) таласады.

Тимур Нұрсейтов (-75 кг) пен Аят Маржикпаев (-81 кг) ойындардың қола жүлдегері атанды.

VII Бүкіләлемдік әскерилер ойындары 27 спорт түрінен өткізілуде. Оған 109 елдің 9308 әскери спортшылары қатысып жатыр.