Айдос Мұхат каратеден жастар арасындағы әлем чемпионатында қола жүлде алды

Чилиде каратеден жастар арасындағы әлем чемпионаты жалғасуда. Екінші жарыс күнінде кадеттер арасында кумитэден жеңімпаздар анықталды деп хабарлайды Olympic.kz. 

Қыдар арасында 47 келіде сынға түскен Әсемгүл Ердәулет үздік үштік қатарынан көрінді. Сондай-ақ, 63 келіде бақ сынаған Айдос Мұхаттың еншісінде де қола жүлде бар.

Айта кетелік, бұл Қазақстан қоржынындағы үшінші қола медаль. Бұған дейін Рауан Амантайұлы да жеңіс тұғырынан көрінген болатын.  Апта соңында аяқталатын әлемдік сында 96 мемлекеттен 1500 спортшы қатысуда.