12 жасар спортшы қазақстандық үстел теннисі тарихындағы ең жас спорт шебері атанды

<span>Орал қаласында өткен үстел теннисінен Қазақстан чемпионатында 12 жасар қарағандылық Алан Құрманғалиев ерекше көзге түсті, деп хабарлайды Prosports.kz сайты. </span>

<span>Біріншілік 1998 жылы туған және одан да жас ұлдар мен қыздар арасында өтті. </span>

<span> Командалық сынақта қарағандылық теннисшілер - бірінші орынды, жасөспірімдер - үшінші орынды иеленді. </span>

<span>Жеке біріншілікте алтын медальді спорт шебері, ұлттық құраманың мүшесі Зәуреш Ақашева, қола медальді Александра Смирнова жеңіп алды. </span>

<span>Аралас жұптық разрядта Алан Құрманғалиев пен Зәуреш Ақашева жеңіске жетті. Қарағанды облысы құрамасының ең жас мүшесі спорт шебері нормативін орындады. Мұндай жетістік Қазақстан үстел теннисінің тарихында алғаш рет болып отыр.</span>

<span> Бір ай бұрын ITTF Халықаралық федерациясы құрлықтық, әлемдік Hopes Week турнирлерінің қорытындысы бойынша Алан Құрманғалиевті 2019 жылғы үздік жас теннисші деп атаған еді. </span>