Денис Тенді еске алуға арналған турнирдің жеңімпазы анықталды

Алматыда мәнерлеп сырғанаудан Денис Тенді еске алуға арналған турнирде ерлер арасындағы жарыстар аяқталды, деп хабарлайды Prosports.kz.

Жарыста Грузия спортшысы Морис Квителашвили топ жарды. Ол қысқа және еркін бағдарламаларда үздік болып, 244,98 ұпай жинады.

Екінші орынға ресейлік Макар Игнатов ие болды - 214.99 ұпай. Үздік үштікті еншісінде 210,68 ұпайы бар эстониялық Даниэль Альберт Науриц қорытындылады.

Қазақстандық Никита Манко сегізінші орынды қанағат тұтты.