Қожамбердиев Алматыдағы титулды жекпе-жекке қызу дайындық үстінде

Қазақстандық ауыр салмақтағы боксшы Еділ Қожамбердиев Алматыда титулдық жекпе-жекке белсенді дайындықты жалғастыруда, деп хабарлайды Prosports.kz.

Еске салайық, Гранд Парк сауда орталығында өтетін «Жетісу жауынгерлері» бокс кешіне алты күн қалды. Еділ кештің негізгі жекпе-жегінде өнер көрсетіп, бірінші ауыр салмақта IBA Asia титулын сарапқа салады. Оның қарсыласы - 30 жастағы әзірбайжандық боксшы Казим Умудов.

Қазіргі таңда боксшы Almaty Fight Academy залында жаттығып жүр.