Қазақ баласы Өзбекстанның туын ӘЧ-да желбіретті

<p style="text-align: justify;"> <strong>Ташкентте күрес түрлерінен өтіп жатқан әлем чемпионатында қазақ баласы Елмұрат Тасмұратов қола медаль жеңіп алды, деп жазады today.kz сайты.</strong></p> <p style="text-align: justify;"> 59 келі салмақ дәрежесінде сынға түскен Елмұрат жартылай финалға дейін барлық қарсыласын мерзімінен бұрын жеңді. Ал жартылай финалда Олимпиада чемпионы, ирандық Хамид Суриянмен кездесіп, 1:2 есебімен жеңіліп қалды. Бұл жерде төрешілердің шешімі күмән туғызды. Ал қола жүлде үшін күресте Тасмұрадов Куба балуанын 22 секундта 10:0 есебімен жеңіп, Өзбекстан құрамасына қола медаль сыйлады.&nbsp;Бұл салмақта сынға түскен қазақстандық Ербол Қоңыратов алғашқы белдесуінде ұтылып қалды.</p> <p style="text-align: justify;"> Естеріңізге сала кетейік, Елмұрат Тасмұрадов Өзбекстанның қазақтар көп тұратын Бостандық ауданында туған. Ұлты қазақ. Шымкенттегі Бекзат Саттарханов атындағы спорт интернатын аяқтаған.&nbsp;Елмұраттың бірнеше мәрте Қазақстан азаматтығын алып, ұлттық құрамаға қабылданғысы келген әрекеті сәтсіз аяқталды.</p> <p style="text-align: justify;"> Тасмұрадов былтырғы әлем чемпионатының қола жүлдесі үшін күресте жерлесіміз Алмат Кебіспаевты жеңген болатын.&nbsp;Бұл әлем чемпионатында күрес түрлерінен Қазақстан құрамасы ешқандай жүлде иеленген жоқ.</p>