Тұрсынбаева Shanghai Trophy 2019 турнирінде маусымды бастайды

Қазақстандық мәнерлеп сырғанаушы Элизабет Тұрсынбаева жаңа маусымды бастауға дайын, деп хабарлайды Prosports.kz.

Спортшы қызымыз Қытайда өтетін Shanghai Trophy 2019 турнирінде бақ сынауға дайындалып жатыр. Қысқа бағдарлама ертең, 3 қазанға жоспарланған. 4 қазан күні еркін бағдарлама өтеді.

Еске салайық, Элизабет бір ай бұрын жаттығуда алған жарақатынан жақында айықты.

Тұрсынбаева осы жылдың наурыз айында Жапонияда өткен әлем чемпионатында күміс жүлде иеленген еді.