Бекзат Саттарханов туралы фильм жарық көрді

Түркістанда жаңадан жарық көрген «Бекзат» көркем фильмінің тұсауы кесілді, деп хабарлайды Prosports.kz сайты.

<span> «Хабар» агенттігінің тапсырысымен түсірілген туынды Сидней Олимпиадасының чемпионы, боксшы Бекзат Саттархановқа арналған. </span>

<span>Туынды сюжетінде боксшы өмірінің үш кезеңі қамтылады: балалық шағы, боз бала кезеңі және өмірінің соңғы сәті.</span>

<span> Фильмнің түсірілім жұмыстары Түркістан, Алматы және Ыстанбұл қалаларында өткен. Басты рөлді жас актер Самат Әзімқұлов ойнайды. Ол 2006-2007 жылдары кикбокстан жастар арасында екі рет Қазақстан чемпионы болған. </span>

<span>Сонымен қатар туындыдан Ғалымбек Оспанов, Мұрат Жарылқасынов, Майра Мақұлбекова, Дулыға Ақмолда, Қуаныш Мұқатай, Бақдәулет Шаймахан және басқа актерлерді көруге болады. </span>

<span>Толық метражды картина 3 қазаннан бастап еліміздің барлық кинотеатрларында көрсетіледі.</span>