Нұрсұлтановтың қарсыласы қашан анықталады

Қазақстандық боксшы Мейірім Нұрсұлтанов 2 қараша күні Сергей Ковалев – Сауль Альварес жекпе-жегінің андеркардында өнер көрсетеді, деп жазады<span> </span>Prosports.kz . 

Жерлесіміздің қарсыласы әлі анықталмады. Бірақ Нұрсұлтановтың өзі қарсыласының қашан белгілі болатынын айтты.

«Келіссөздер жалғасып жатыр. Келесі аптада белгілі болады үміттенемін. Қазір АҚШ-та, Лос-Анджелесте (Калифорния) жаттығып жатырмын», - дейді боксшы.

Айта кетейік, Нұрсұлтанов Челябинск қаласында өткен бокс кешінде ресейлік боксшы Артур Осиповты<span> </span>жеңген болатын.