Тұрсынбай Құлахмет жартылай финалда жеңілді

Ресейдің Екатеринбург қаласында бокстан әлем чемпионатының жартылай финалдық жекпе-жектері өтіп жатыр, деп жазады Prosports.kz.

Жартылай финалға 6 қазақстандық боксшы шыққан болатын.

75 келіге дейінгі салмақ санатында өнер көрсететін Тұрсынбай Құлахмет Филиппин боксшысы Эймур Марисальге есе жіберіп, финалға өте алмады. Қазақстандық боксшы бірінші раундта нокдаун алып қалды. Осыдан кейін отандасымыз өз білгенін көрсете алмады.

Айта кетейік, осыған дейін Сәкен Бибосынов (52 келі) та жартылай финалда сүрінген болатын.