Күрес түрлерінен Ташкентте әлем чемпионаты өтті

<p style="text-align: justify;"> <strong>Жарыстың бірінші күнінде боз кілемге еркін күрестен төрт палуанымыз шығып, тек біреуі ғана жүлде үшін күресетін болды, деп хабарлайды confederation.kz сайты.</strong></p> <p style="text-align: justify;"> Биылғы Азия чемпионатының күміс жүлдегері Аслан Кахидзе (86 келі) Таймураз Фриевті (Испания, 10:4), Тимофей Ксенидисті (Грекия, 14:7) және Дато Марсагишвилиді (Грузия, 10:9) жеңіп, жартылай финалға жолдама алған. Алайда, финалға барар жолда біздің палуанды ресейлік Абдулрашид Садулаев тоқтатты (0:10). Осылайша, Кахидзе қола жүлдеге таласып көреді.</p> <p style="text-align: justify;"> Лондон Олимпиадасының жүлдегері Ақжүрек Таңатаровтың (70 келі) жолы болар емес. Ол Ташкент кілемінде америкалық Николас Мараблдан (1:2) ұтылды.</p> <p style="text-align: justify;"> 125 келідегі Ержан Дүйсенбеков үшін әлемдік сын бірінші белдесуде-ақ аяқталды. Ауыр салмақта сынға түскен палуанымыз Ник Матюхиннен 0:6 есебімен жеңіліп қалды.</p> <p style="text-align: justify;"> Ал, Шыңғыс Шоқанов (57 келі) алғашқы кездесуінде қырғыз спортшысы Алтынбек Алымбаевты жеңген. Алайда, жапондық Юки Такахашиге айла таныта алмады (0:10).</p>