AVANGAR Blast Pro Series Moscow 2019 турнирінің негізгі кезеңіне қатысады

Қазақстандық AVANGAR CS командасы BLAST Pro Series Moscow 2019 турнирінің негізгі кезеңінде өнер көрсетеді, деп жазады Prosports.kz.

Бұл туралы ұйымның баспасөз қызметі хабарлады.

11 қыркүйекте франциялық Team Vitality командасы турнирге қатысудан бас тартты. Осыған орай, ұйымдастырушылар AVANGAR мен ForZe-ге шақыру жіберді.

Айта кетейік, Blast Pro Series Moscow 2019 турнирі 13-14 қыркүйек күндері "ВТБ Арена" спорт кешенінде өтеді. Жарыстың жалпы жүлде қоры 250 мың АҚШ долларын құрайды.