Джейкобс екінші орта салмақтағы алғашқы жекпе-жегін қыста өткізеді

Америкалық боксшы Дэниел Джейкобс екінші орта салмақтағы алғашқы жекпе-жегінің қашан өтетінін мәлімдеді.

ESPN мәліметінше, орта салмақта IBF бұрынғы чемпионы 14 желтоқсан күні шаршы алаңға оралады. Жекпе-жек екінші орта салмақта өтеді. Дэниел Джейкобс мексикалық Хулио Сезар Чавес-кішімен жұдырықтасады деп күтілуде. 

Айта кетейік, Геннадий Головкиннің бұрынғы қарсыласы соңғы жекпе-жегінде мексикалық Сауль Альварестен төрешілердің шешімі бойынша жеңіліс тапты.