Арысқа көмектескен «Құрмет» орденімен марапатталды

Қарағанды қаласының тұрғыны Евгений Хисметов қару-жарақ қоймасындағы жарылыстан зардап шеккен Арыс қаласының тұрғындарына көмек көрсеткені үшін «Құрмет» орденімен марапатталды.

Бокстан спорт шебері, қазіргі таңда жаттықтырушы болып қызмет істейтін Евгений Хисметов соңғы екі ай бойы Арыс қаласындағы үйлерді жөндеуге өз еркімен көмектескен. Бұл туралы NOMAD MMA федерациясының президенті Мұхтар Тінікеев Facebook парақшасында мәлімдеді.

Айта кетейік, 2019 жылдың 24 маусым күні Арыс қаласында қару-жарақ қоймасы жарылып, үйлердің басым бөлігі бүлінді.