Премьер-лига: Бірінші күннің қорытындысы

Жапонияның Токио қаласында каратеден рейтингілік Премьер-лига турнирі өтуде. Аталған сынға қатысып жатқан Қазақстан командасының нәтижесімен таныстырамыз. 

60 келідегі Дархан Асаділов турнирдің алтын жүлдесіне таласады. Финалдық кезең 8 қыркүйекке жоспарланған. 

67 келідегі Дидар Әмірәлі мен Еркінбек Байтөреев ширек финалда ұтылды. 

55 келідегі Сабина Захарова мен 75 келідегі Ермек Айназаров бірінші айналымда, 50 келідегі Мөлдір Жаңбырбай екінші кезеңде жеңіліс тапты. 

Бүгін татамиге ерлерден -84,+84 келі салмақта, әйелдерден +61, -68, +68 келі салмақ дәрежесіндегі спортшылар шығады.