Қазақстан гимнасшылары халықаралық турнирде табысқа жетті

2-7 қыркүйек аралығында Грузияның Батуми қаласында спорттық гимнастикадан халықаралық турнир өтті деп хабарлайды Prosports.kz Olympic.kz сайтына сілтеме жасап.

Жарысқа Армения, Беларусь, Әзірбайжан, Өзбекстан, Грузия, Латвия, Украина, Иран және Қазақстан спортшылары қатысты. Жасөспірімдер додасында шымкенттік Көркем Ербосынқызы қол тіреп секіруден күміс жүлдегер атанды. Ал қарағандылық Камилла Добровольская қол тіреп секіру мен еркін жаттығуда қола жүлдеге қол жеткізді. Ерлер арасындағы еркін жаттығудан Роман Маменов (Павлодар) қола медаль жеңіп алды. Шымкенттік Эмиль Ахмеджанов гимнастикалық керме мен қол тіреп секіруден жеңіске жетті.