Қазақстандық құзға өрмелеуші Олимпиада нормативін орындады

Спорттық құзға өрмелеуден Қазақстан командасының мүшесі Ришат Хайбуллин 2020 жылғы Токио Олимпиадасына қатысу нормативін орындады деп хабарлайды Prosports.kz сайты Olympic.kz порталына сілтеме жасап.

<span>Финалға жолдама алған жеті спортшы Олимпиада нормативін орындады. Ал бір лицензия автоматты түрде олимпиада қожайыны саналатын Жапония спортшысына беріледі.  </span>

<span>Әлем чемпионатының көпсайыс финалына төрт жапондық спортшы өтті. Бұл Ришат Хайбуллиннің Олимпиада нормативін орындағанын растайды. Өйткені, бір елден екі спортшы ғана 2020 жылғы Олимпиадаға қатыса алады.</span>

<span>Айта кетелік, спорттық құзға өрмелеуден Токиода алғаш рет Олимпиада жүлдесі таратылады. 2016 жылы өткен Халықаралық Олимпиада комитетінің Сессиясында аталған спорт түрі Олимпиада бағдарламасына енді.  </span>