Андре Шюррле: Бір күні Қазақстанға барармын

Мәскеулік «Спартактың» шабуылшысы Андре Шюррле «КраСава» YouTube-арнасына берген сұқбатында Қазақстанға көшу туралы пікір білдірді.

- Андре, сенің жарың Қазақстанның тумасы. Саған осында келмей тұрып Ресей жайлы айтты ма?

- Көп емес. Ол өзі Ресейде санаулы мәрте болған, ал оның әке-шешесі ұзақ уақыт Қазақстанда тұрған. Тағамдары туралы білемін. Жұбайымның анасы кейде орыс тағамдарын жасайды. Өте дәмді.

- Футболшылар әйелдерінің туған жеріне көшетін жайттар көп болады. Бір күні сен де Қазақстанға көшіп, жергілікті чемпионатта доп тебуің мүмкін бе?

- Олай ойламаймын. Ресейде бәрі ұнайды. Мүмкін бір күні Қазақстанға барып, жұбайымның туған жерін көріп қайтармын. Бірақ футбол ойнамайтыным анық.