Бобиржан Моминов 23 тамызда шаршы алаңға шығады

Қазақстандық боксшы Бобиржан Моминовтың кезекті жекпе-жегі өтетін күн анықталды, деп жазады Prosports.kz.

Отандасымыз 23 тамыз күні АҚШ-тың Корона қаласында өтетін бокс кешінде шаршы алаңға шығады. Қарсыласы - Хавьер Флорес. 33 жастағы боксшы бұған дейін 14 рет жеңіске жетіп (12 нокаут), 2 мәрте жеңілген.

Ал Моминов кәсіпқой бокста 10 жекпе-жек өткізіп, бәрінде жеңіске жетті. Оның сегізін мерзімінен бұрын аяқтаған.