Жеңілмеген қазақстандық боксшы Ковалевтің андеркардында жұдырықтасады

Қазақстандық боксшы Мейірім Нұрсұлтанов (11-0, 8 КО) келесі жекпе-жегін 24 тамызда ресейлік Челябинскіде өткізеді, деп хабарлайды Prosports.kz сайты. 

Отандасымыз рингке Сергей Ковалев – Энтони Ярд жекпе-жегінің андеркардында шығады. Қарсыласы ресейлік Артур Осипов (15-1, 10КО) болмақ. Орта салмақтағы жекпе-жек он раундқа жоспарланған. 

Естеріңізге салсақ, жақында Мейірім Халықаралық бокс федерациясының (IBF) орта салмақ бойынша рейтингінде ТОП-10 қатарына енген болатын. 

Айта кетейік, Нұрсұлтан соңғы жекпе-жегін 24 наурызда Лос-Анджелесте өткізіп, пуэрторикалық Луис Эрнандесті төрешілер шешімімен жеңген болатын.