Бейбіт Шүменов IBF рейтингінен шығып қалды

Халықаралық бокс федерациясы (IBF) барлық салмақтағы үздік боксшылардың рейтингісін жариялады, деп хабарлайды Prosports.kz сайты.

Аса ауыр салмақта Иван Дычко 59-шы сатыдан 57-ші орынға көтерілсе, Жан Кособуцкий үздік 100-тен шығып қалды.

Нұрзат Сабыров екінші орта салмақта 2 саты төмендеп, 31-ші орынға тұрақтады. Айдос Ербосынұлы да 2 орын төмен жылжып, 36-шы сатыға жайғасты. Али Ахмедов болса 46-шы орында тұр.

Бірінші орта салмақта жұдырықтасатын Әли Балоев 82-ші орынға жоғарылады. Ал 38-ші сатыда тұрған Бейбіт Шүменов рейтингіден шығып қалды.

Мейірім Нұрсұлтанов (11-0, 8 КО) орта салмақтағы боксшылардың алғашқы ондығына енді - ол 11-ші орыннан 10-шы орынға көтерілді. Ал Геннадий Головкин (39-1-1, 35 КО) үздік үштікті түйіндеп тұр. Бұл тізімде көшбасшы украиндық Сергей Деревянченко.