Жәнібек Әлімханұлы әйгілі бапкер Роучтың шәкіртін жойқын соққысымен құлатты

Қазақстандық кәсіпқой боксшы Жәнібек Әлімханұлы (6-0, 2 КО) әлемге әйгілі бапкер Фредди Роучтың шәкіртімен спарринг өтізіп, жойқын соққысымен құлатты. 

<span>«Роучтың залына спарринг жасауға бардық. 4 раундта Жәнібектің сол қолы қарсыласынa тигенде де жаман тиді. Құлады. Бірден бұрышта тұрған Роучқа қарадым. Құлаған соның боксшысы ғой. Басын шайқады.</span>

<span>Осылайша 8 раундқа жоспарланған спарринг 6 раундта аяқталды. Жаттығу аяқталған соң Роуч келіп Жәнібектің рингтегі қимылына, соққыларына, қорғанысына риза болғанын айтып сәттілік тіледі.</span>

<span>Мықты маман ғой. Не кеңес айтасыз дедім. Бір тәсіл үйретейін деп, қарсыластың хугынан кетудің ерекше тәсілін үйретті. Шыңдалып жатырмыз. QAZAQ STYLE мықты, Аллаға шүкір! 17 тамыз жекпе-жек! Қарсылас тәжірибелі. Дайынбыз, бұйыртса!», - деп жазды боксшының PR менеджері Берік Сұлтан Instagram парақшасында.</span>

<span>WBO Global және WBC Continental Americas чемпиондық белбеулерінің иегері Жәнібек Әлімханұлы 17 тамыз күні Лос-Анджелесте шаршы алаңға шығады. Қарсыласы канадалық боксшы Стюард Макклелан (27-3-3, 11КО) болмақ.</span>