Қазақстандық боксшы Мәскеудегі бокс кешінде жеңіліп қалды

Мәскеуде өтіп жатқан бокс кешінде қазақстандық боксшы Уәлихан Бисенқұловтың жеңіліссіз сериясына нүкте қойылды, деп хабарлайды Prosports.kz.

Бұл кеште Бисенқұлов (9-0-0, 9kо) пен ресейлік Артуш Саркисян (5-0-7, 3kо) бірінші ауыр салмақта IBA Asia белдігін сарапқа салған. 

Өкінішке орай, үшінші раундта қазақстандық боксшы нокаутқа түсіп қалды. Бұл оның кәсіпқой мансабындағы алғашқы жеңілісі ретінде тіркелді.