Асқар Ерубек қарсыласын алғашқы раундта үш рет нокдаунға жіберді

Балуан Шолақ спорт сарайында өтіп жатқан бокс кешінде тағы бір қазақстандық былғары қолғап шебері жергілікті жанкүйерлерді қуантты, деп хабарлады Prosports.kz.

Аса жеңіл салмақтағы боксшымыз Асқар Ерубек кәсіпқой рингтегі алғашқы жеңісіне қол жеткізді. Ол бірінші раундта беларус елінен келген Андрей Столярчукты үш рет нокдаунға жіберіп, төреші жекпе-жекті тоқтатуға мәжбүр болды. 

Еске сала кетейік, бокс кешіндегі ең басты кездесуде Қанат Ислам шаршы алаңға шығады.