Қанат Исламның жекпе-жегін «Qazaqstan» пен «Qazsport» арналары көрсетеді

<span>Қанат Ислам — Хулио Де Хесус кездесуін «Qazaqstan» және «Qazsport» телеарналары тікелей эфирде көрсетеді.</span>

<span>Қазақстандық былғары қолғап шебері Қанат Ислам 5 шілде күні Алматыда доминикалық Хулио де Хесуспен қолғап түйістіреді. Отандасымыздың екі жылдық үзілістен кейінгі кәсіпқой рингке қайта оралған сәтін «Qazaqstan» және «Qazsport» телеарналары тікелей эфирде көрсетеді.</span>

<span>«QAZAQ promotions» промоутерлік компаниясы ұйымдастырып жатқан бокс кешінде Қанат Ислам орта салмақтағы «WBO Inter-Continental» белбеуі үшін  Хулио де Хесуспен жұдырықтасады.</span>

<span>Қанаттың қарсыласы 27 кездесудің 26-ында жеңіске жеткен. 24 мәрте қарсыластарын нокаутпен ұтқан.</span>

<span>Алматы қаласындағы Балуан Шолақ спорт сарайында өтетін бокс кешінде қазақстандық Мадияр Ашкеев NBA нұсқасындағы чемпиондық атақ үшін эстониялық Павел Семеновичпен айқасқа түседі. Сондай-ақ, Руслан Мырзатаев тәжірибелі британдық спортшы Дэнни Уильямспен күш сынасады. Тағы бір жерлесіміз Абылайхан Құсайынов WBA санатындағы NBA белбеуі үшін жекпе-жек өткізеді.</span>

<span>Бокс кешін «QAZSPORT» арнасы Нұр-Сұлтан қаласы бойынша 17:25-тен бастап тікелей эфирде ұсынады.  «QAZAQSTAN» арнасы 21:30-да негізгі жекпе-жек — Қанат Ислам мен Хулио де Хесус кездесуі басталған сәттен тікелей қосылымға шығады.</span>