АІВА-ның жаңа президенті қараша айында сайланады

Халықаралық әуесқой бокс қауымдастығының конгресінде АІВА-ның жаңа президентін 2019 жылдың қараша айында сайлау туралы шешім қабылданды.

<span>Сондай-ақ, қауымдастықтың атқарушы комитеті уақытша құзыретін тоқтатқан бұрынғы президенті Гафур Рахимовқа қызметінен бас тарту туралы хат жолдайтынын мәлімдеді.  </span>

<span>АІВА қаулысындағы бөлімдердің бірінде Рахимовтың басқарушы құрылымға келуі туралы қарастырылған болатын. Алайда, конгресте бұл бөлімді алып тастау үшін дауыс берілді.  </span>

<span>«Біз біріге отырып, маңызды шешім қабылдадық. ХОК-пен ортақ шешімге келіп, қарызды өтеу туралы уәде беріп, барлық боксшылар қауымдастығын алдаған адамнан құтылдық. Гафур Рахимов АІВА-ны банкротқа ұшыратуға дейін әкелді. Ол барлық боксшылар қауымдастығынан кешірім сұрауы тиіс. Оның қызметке қайта оралуына мүмкіндік беретін бөлімнің күшін жойдық»,- дейді атқарушы комитет мүшесі Умар Кремлев.  </span>

<span>Сайлау 2019 жылдың 15 қарашасында Лозаннадағы кезектен тыс отырыста өтеді. <br /></span>