«Милан» жаңа бапкерінің есімін атады

«Сампдорияның» бұрынғы бапкері Марко Джампаоло «Милан» тізгінін ұстады. 

Бұл маман өз қызметіне 1 шілдеден бастап кіріседі. Келісімшарт мерзімі 2021 жылдың 30 маусымына дейін. Бапкер нәтиже көрсетіп жатса «Милан» тағы бір жылдық келісімшарт ұсынуы мүмкін. 

Джампаоло <span>«Эмполи», «Кремонезе», «Брешия», «Чезена», «Катанья», «Сиена», «Кальяри» және «Сампдория» клубтарында қызмет атқарған. «Миланда» ол жақында отставкаға кеткен Дженаро Гаттузоны алмастырды.</span>

<span>2018/19 маусым қорытындысы бойынша «Милан» итальян А сериясында бесінші орын алып, Еуропа лигасына жолдама алған еді. Алайда, еурокубоктан клуб өз еркімен бас тартуы мүмкін.<br /><br /></span>