Қазақстандық шахматшылар екі дүркін олимпиада жүлдегерлерінен басым түсті

<p> <strong>Норвегияның Тромс қаласында өтіп жатқан 41-ші Бүкіләлемдік шахмат олимпиадасының екінші турында Қазақстанның ерлер құрамасы швециялықтарды айқын басымдықпен жеңді, деп хабарлайды kazakh-tv.kz сайты.</strong></p> <p> Қазақстандық квартет құрамына гроссмейстерлер - Павел Коцур, Рүстем Хуснутдинов, Петр &nbsp;Костенко мен халықаралық мастер Аслан Айтбаев кірді. Олар шведтік төрт&nbsp; гроссмейстер - Нильс Гранделиус, Евгений Агрест, Тайгер Хиллар Перссон мен Ханс Тикканеннен айласын асырды. Айта кетейік, бұл елдің командасы екі рет олимпиада жүлдегері атанған әккі құрама.</p> <p> Сондай-ақ, шахматтан Қазақстанның&nbsp; қыздар құрамасы да Того спортшыларын тізе бүктірді - 4:0. Өз қарсыластарын айқын басымдықпен Гулісхан Нахбаева, Динара Сәдуақасова, Мадина Дәулетбаева және Гүлмира Даулетова жеңді.</p> <p> Бұған дейін ел намысын қорғаған ерлер құрамасы кувейттіктерді, ал қыздарымыз португалиялықтарды сан соқтырған. Енді олар үшінші айналымға жолдама алып отыр.</p> <p> Байрақты бәсекеде 177 ерлер, 136 әйелдер құрамасы бақ сынауда. Олардың жалпы саны екі мыңнан асады.</p>