Бразилия құрамасының бас бапкері сейсенбіде анықталады

<p style="text-align: justify;"> <strong>Осы сейсенбіде Бразилия құрамасының жаңа бас бапкерінің есімі жарияланады. Бұл туралы шетелдік басылымдар хабарлауда.</strong></p> <p style="text-align: justify;"> Дереккөзге сүйенсек, пентакампеондарды қайтадан Дунга жаттықтырады. Алайда бұл міндетке бірнеше кандидаттар бар: Тите (&laquo;Коринтианс&raquo;), Муриси Рамальо (&laquo;Сан-Паулу&raquo;) және бразилиялық құраманың 1998-2000 жылғы бапкері Вандерлей Лушемберго.</p> <p style="text-align: justify;"> Бейсенбіде Бразилия футбол федерациясы Жилмар Риналдиді ұлттық құраманың барлық деңгейіндегі негізгі координатор етіп тағайындады. &laquo;Қазір ең маңыздысы &ndash; не қалайтынымызды анықтап, қажетті адамды таңдап алу. &nbsp;Қазір үзіліс керектігін мойындауымыз қажет&raquo;, - деді Риналди.</p> <p style="text-align: justify;"> Естеріңізге сала кетсек, Бразилия құрамасының бұрынғы бас бапкері Луис Филипе Сколари команда әлем чемпионатында төртінші орын алған соң, орнынан кетті.</p>