Луис Суарес 2 жылға футболдан шеттетілуі мүмкін

<p style="text-align: justify;"> <strong>Кьеллиниді тістеп алған үшін Суарес 2 жылға футболдан шеттетілуі мүмкін, деп хабарлайды ФИФА&nbsp;федерациясысының ресми сайты.</strong></p> <p style="text-align: justify;"> Халықаралық футбол федерациясы (ФИФА) Бразилияда өтіп жатқан әлем чемпионатының топтық кезеңінің матчында Италия командасының қорғаушысы Джорджио Кьеллиниді тістеп алған Уругвай құрамасының шабуылшысы Луис Суареске қатысты тәртіптік іс қозғады.</p> <p style="text-align: justify;"> FIFA ережелеріне сәйкес, осындай тәртіп бұзушылық үшін футболшыға 24 матчқа, яғни 2 жылға дейін ойыннан шеттету жазасы қолданылады. Сарапшылар өте қатаң жаза қолданылмайды және Суаресті бұдан әлдеқайда жеңіл айып күтіп тұр деп топшылауда.&nbsp;<br /> <br /> Айта кетейік, уругвайлық шабуылшы бұған дейін де өз қарсыластарына бірнеше рет тіс батырып көрген. Осыған ұқсас оқиға бірінші рет 2010 жылы болды. Ол кезде Голландияның &laquo;Аякс&raquo; командасы сапында ойнап жүрген Суарес ПСВ ойыншысы Отман Баккалды тістеп алды. Кейін Англияның &laquo;Ливерпуль&raquo; командасына ауысқан шабуылшы 2013 жылы &laquo;Челсидің&raquo; қорғаушысы Бранислав Ивановичті иығынан тістеп алды. Сол үшін Англия футбол қауымдастығы Суаресті он матчқа қатыстырмай қойған болатын.</p>