Ливинцев турнирі. Қуаныш алтынмен қуантты

<p style="text-align: justify;"> <strong>Беларуссия астанасында боксшыларымыз бір алтын, екі күміс пен бес қоланы қоржынға салды. Минскте өткен Кеңес Одағының батыры Виктор Ливинцевті еске алуға арналған халықаралық турнир биыл он екінші рет ұйымдастырылды.&nbsp;</strong></p> <p style="text-align: justify;"> 13 елден 90 спортшы сайыс көрігін қыздырды. Дәстүрлі турнир елдегі ең беделді жарыстардың бірі.</p> <p style="text-align: justify;"> Бізді қуантқан Қуаныш Сәрсенбаев. Аса жеңіл салмақтағы&nbsp; өреніміз &nbsp;финалда шаршы алаң иесі&nbsp; Сергей Лобаннан айласын асырып, жеңімпаз атанды. Алтын үшін айқасқан&nbsp; Ерік Әлжанов (75 келі) пен Мағжан Базарбай (91 келі) қарсыластарының осал тұсын таба алған жоқ. М.Базарбай өткен жылғы жеңімпаз беларуссиялық Сергей Корнеевке, Е.Әлжанов француз&nbsp; Кристиан Ассомоға есе жіберіп қойды.</p> <p style="text-align: justify;"> Қоланы кеудесіне таққандар: Мардан Берікбаев (52 келі), Дидар Өтелбаев&nbsp; (56 келі), Мәулен Өскенбек (64 келі), Ернар Ешенов (69 келі) және Арбек Абдуғаниев&nbsp;&nbsp;&nbsp;&nbsp;&nbsp;&nbsp; (91 келі).</p> <p style="text-align: justify;"> Естеріңізде болса, 2012 жылы өткен дәл осы сайыста бір алтын, алты күміс және екі қола бұйырған. Жан Кособуцкий (аса ауыр салмақ) әзірбайжандық Магомедрасул Меджидовты &nbsp;13:6 есебімен ұтып, чемпион атанғаны жадымызда.</p>