Қазақстан Президенті Бразилия құрамасына сәттілік тіледі

<div style="text-align: justify;"> <strong>Қазақстан Президенті Нұрсұлтан Назарбаев футболдан Әлем чемпионатында Бразилия еліне жеңіске жетуге өз тілектестігін білдірді.&nbsp;Мемлекет басшысының тілегін Қазақстан Республикасының Мемлекеттік хатшысы Әділбек Жақсыбеков жеткізді, деп хабарлайды ҚР СІМ баспасөз қызметінен.</strong></div> <div> <p style="text-align: justify;"> Қазақстан Республикасының Мемлекеттік хатшысы, Қазақстан Футбол Федерациясының Президенті Әділбек Жақсыбеков Бразилияда Халықаралық Футбол Федерациясы (FIFA) Конгресінің 64-ші отырысына қатысып, жұмыс сапары шеңберінде &laquo;Еңбекшілер партиясының&raquo; көшбасшысы, Латын Америкасының ең беделді және тәжірибелі саясаткері, Бразилия Федеративтік Республикасының экс-Президенті Лула да Силвамен кездесті.</p> <p style="text-align: justify;"> &laquo;Жылы және достық жағдайда өткен кездесуде ҚР Мемлекеттік хатшысы Ә.Жақсыбеков Қазақстан Республикасының Президенті Н.Ә.Назарбаевтың атынан&nbsp;Лула да Силваға&nbsp;мықты денсаулық пен қажымас қайрат, ағымдағы жылдың қазан айында өтуі жоспарланып отырған президенттік және парламенттік сайлауда биліктегі &laquo;Еңбекшілер партиясына&raquo; табыстар тіледі, сондай-ақ алдағы футболдан Әлем біріншілігінде Бразилия ұлттық командасының чемпиондық атаққа ие болуына өз тілектестігін білдірді&raquo;, делінген ҚР СІМ хабарламасында.</p> <p style="text-align: justify;"> Л.Силва өз кезегінде ҚР Президентін өзінің жақсы досы, Орталық Азия аймағында ғана емес, сондай-ақ жалпы Еуразия құрлығындағы мемлекеттер ішіндегі беделді Мемлекет басшысы ретінде аса құрметтейтінін білдірді.</p> <p style="text-align: justify;"> Сондай-ақ ол соңғы жылдары экономикасы қарқынды даму үстіндегі Қазақстанға сапармен баруға дайын екенін мәлімдеп, Елбасына ең ыстық тілегін, ал Қазақстан халқына гүлдену мен өркендеуді тілейтінін жеткізді.</p> </div> <p> &nbsp;</p>