Флойд Мейвезер әлемдегі ең бай спортшы

<div style="text-align: justify;"> <strong>Forbes журналы жыл сайынғы дәстүрімен &laquo;әлемдегі ең бай 100 спортшының&raquo; рейтингін жариялады. Басылымның пікірінше, соңғы 12 айда 37 жастағы америкалық боксшы кіші Флойд Мейвезер бәрінен көп қаржы тапқан &ndash; 105 миллион АҚШ доллары.</strong></div> <div style="text-align: justify;"> &nbsp;</div> <div style="text-align: justify;"> Журналдың есептеуінше, оның 32 миллион долларын Мейвезер өткен айда аргентиналық Маркос Майданамен болған кездесуден түсірсе, 73 миллион долларын өткен жылдың қыркүйек айында Сауль Альвареспен өткен жекпе-жекте тапқан.&nbsp;</div> <div style="text-align: justify;"> &nbsp;</div> <div style="text-align: justify;"> Айта кетейік, Флойд (лақап аты &laquo;Ақша&raquo;) Мейвезер қазіргі таңда барлық салмақ дәрежесі бойынша әлемнің үздік боксшысы саналады.</div> <div style="text-align: justify;"> Тізімнің екінші орнына &laquo;Реал Мадрид&raquo; футбол клубының португалиялық шабуылшысы Криштиану Роналду орналасқан. Ол бір жылдың ішінде 80 миллион долларға қалтасын толтырыпты. Оның 28 миллионы жарнамалық келісімшарттардан келген.</div> <div style="text-align: justify;"> &nbsp;</div> <div style="text-align: justify;"> Ұлттық баскетбол қауымдастығының (NBA) мүшесі &laquo;Майами Хит&raquo; клубының ойыншысы Леброн Джеймс болса 72,3 миллион доллар қаржымен үшінші орынға тұрақтады. Ал төртінші және бесінші орындарды сәйкесінше Лионель Месси (64,7) мен Коби Брайант (61,5) иеленген.</div> <div style="text-align: justify;"> &nbsp;</div> <div style="text-align: justify;"> Сондай-ақ алғашқы ондыққа гольфшы Тайгер Вудс (61,2), теннисші Роджер Федерер (56,2), гольфшы Фил Микельсон (53,2), әлемнің бірінші нөмірлі ракеткасы Рафаэль Надаль (44,5) және америкалық футбол лигасының ойыншысы Мэтт Райан (43,8) кірген.</div> <div style="text-align: justify;"> &nbsp;</div> <div style="text-align: justify;"> Арнайы бокс жанкүйерлері үшін хабарлай кетсек, украиналық кәсіпқой боксшы Владимир Кличко 28 миллион доллар табысымен 25-орынға жайғасыпты.</div> <div style="text-align: justify;"> &nbsp;</div> <div style="text-align: justify;"> Әйелдер арасындағы жылдың ең бай спортшысы болып 24,4 миллиондық көрсеткішпен ресейлік теннисші Мария Шарапова танылды.&nbsp;</div> <div style="text-align: justify;"> &nbsp;</div> <div style="text-align: justify;"> Ал жалпы рейтинг бойынша ол 34-орында тұр.</div>