«Гран-При». Екі медаль қоржынымызда

<p> <strong>Кеше Усти над Лабем шаршы алаңында &nbsp;бірқатар жекпе-жектер өтті. Боксшыларымыздың бірі жеңіске жетіп желпіндірсе, енді бірі жүлдесіз қалды.</strong></p> <p> Жартылай финалда жұдырықтасқан Олжас Бұқаев ( + 91 келі) ресейлік Гасан Гимбатовқа есе жіберді. Яғни, қола жүлдені місе тұтты. Ширек финалда үш өреніміз бақ сынады. 56 келідегі Сабыр Қуаныш қана жартылай финалға шықты. Словакиялық Филип Баракты 2:1 есебімен ұтып. Ал Шаймұрат Құсайынов пен Серік Мұсаділов қарсыластарының ыңғайына жығылды. Шаймұратты жүлдесіз қалдырған ирландиялық Даррен Онейл. Грузиялық Леван Гулидани да Серік Мұсаділовтен айласын асырды.</p> <p> Сонымен, жерлестерімізге кемі екі жүлде бұйырды. Оның бірі қола. Бүгін&nbsp; жартылай финалда Сабырдың өнерін байқаймыз. Қоланы күміске не алтынға айырбастай ала ма? Оның жауабы ертең мәлім болмақ.</p> <p> <strong>Ширек финалдың техникалық нәтижелері:</strong></p> <p> 56 келі: Сабыр Қуаныш &ndash; Филип Барак (Словакия) 2:1</p> <p> 81 келі: Шаймұрат Құсайынов &ndash; Даррен Онейл (Ирландия) 1:2</p> <p> 91 келі: Серік Мұсаділов &ndash; Леван Гулидани (Грузия) 0:3</p> <p> <strong>Жартылай финалдық жұп</strong></p> <p> 56 келі: Сабыр Қуаныш&ndash; Артем Хотенов (Ресей)</p>