Әншілер арасында «Арт футбол» фестивалі өтті немесе Әлем чемпионаты
<p>
<strong>Мәскеуде футболдан Әлем чемпионаты өтті. Алайда, ойыншылар кәсіби спортшылар емес, эстрада әншілері. Бразилия, Германия, Голландия сынды көптеген елдерден жиналған командалардың арасында Қазақ елінің өкілдері де бар. </strong></p>
<p>
Жарысқа әлемнің 16 мемлекетінен келген командалар қатысты. Талап бойынша, әрбір топта 3 қана кәсіби футболшы, өзгесі әншілер болуы тиіс.</p>
<p>
Қазақтың эстрада жұлдыздары - Мәскеуде. Алайда, жерлестеріміз гастролдік сапарға емес, доп сайысқа келді. Әншілігімен елге танылған өнерпаздар «спорттан да құралақан емеспіз», дейді. </p>
<p>
Мұқасан Шахзадаев, «Нұр-Мұқасан» тобының әншісі: «Бала күнімнен доп тептім, футболшы болу арманым болды. Қазір жастарымыз не болса соған еліктеп, әуесқой болып кетті. Осындай алаңға келіп жүгірсе, денсаулықтарына пайдалы».</p>
<p>
Медет Көжеков, «Арай» тобының әншісі: Кейбір командаларда әншілерге қарағанда, кәсіпқой ойыншылар көп. Бізге шамалы қиындау болды». </p>
<p>
Күнтуған Сұлтанұлы, «Серілер» тобының әншісі: «Көп командада өздерінің мемлекеттерінің жоғары лигасында ойнап жүрген 7-8 футболшыдан бар. Барлығына сай болып келген команда Қазақстан мен Италия деп жатыр. Италияда 80 пайызы әншілер, бізде 90 пайызы әншілер». </p>
<p>
Нұрлан Қонысбаев, «Нұр-Мұқасан» тобының әншісі: «Командалар 16 мемлекеттен келген. Олар концерт қойды. Ең жақсы топ деп, 2-ші орынды «Ринго» тобына беріп жатыр. Жалпы, біздің команданы жақсы бағалады».</p>
<p>
«Арт футбол» - әлемдік деңгейдегі қайырымдылық акциясы. Әншілер доп теуіп қана қоймай, бос кездерінде концерт те берді. Шарадан түскен қаражаттың барлығы науқасы ауыр балаларға таратылады. </p>
<p>
Әншілер арасындағы футболдан әлем чемпионаты 1 апта бойы өтті. Қазақ өнерпаздары Англия мен Иранды ұтты. Ресей мен Голландиядан ұтылды. Ал, эстониялық әріптестерімен тең түсті.</p>
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или