Қазақстандық балғын футболшылар Бразилиядағы ӘЧ ашылу салтанатына қатысады

<p> <strong>Елімізде өткізіліп жатқан &laquo;Coca Cola Былғары доп&raquo; турнирінің ең үздік үш ойыншысы футболдан Бразилияда өтетін әлем біріншілігінің ашылу салтанатына қатысады. Олар: 14 жастағы Тәукехан Жүніс, Шадияр Арынтай және Айдос Пошан. </strong></p> <p> Бұл туралы бүгін Алматыда өткен баспасөз мәслихатында &laquo;Кока-Кола Алматы Ботлерс&raquo; компаниясының ресми өкілі Әлима Исимбаева мәлімдеді.</p> <p> &laquo;Балалар бұл сапардан үлкен әсер алады, өздеріне жаңа достар табады, атақты футболшылармен тілдеседі деген үміттемін. Олар 8 маусымнан 9 маусымға қараған түні Алматы қаласынан ұшып шығады. 9 маусым күні Бразилияда болады. Сан Паулу қаласының іргесінде орналасқан арнайы кампуста тұрақтайды. Бағдарлама бойынша балалар әлем біріншілігінің ашылу салтанатына қатысады. Алаңға шығады. Кейін алғашқы матч: Бразилия мен Хорватия құрама командалары арасындағы ойынды тамашалайды. Сонымен қатар басқа да мәдени шараларға қатысады. Мұражайларда болады. Сондай-ақ &laquo;Copa Copa-Cola&raquo; халықаралық турнирінің матчтарын тамашалайды. Балалардың Бразилияға сапары 15 маусымға дейін созылады. Барлық шығандарды компаниямыз өз мойнына алып отыр&raquo;, - деді өз сөзінде Әлима Исимбаева.</p> <p style="text-align: center;"> <img alt="" src="/cms/uploads/images/20140606142528.jpg" style="width: 800px; height: 533px;" /></p> <p> Осы баспасөз мәслихатына қатысқан Айдос Пошан қуанышын жасырмады.&nbsp;<br /> <br /> &laquo;Арнайы комиссия мені таңдағанда қатты қуандым. Арманым - жақсы ойнап, Қазақстанның атын шығару. Мен осындай турнирдің арқасында Бразилияға барайын деп отырмын. Қуанышымда шек жоқ&raquo;, - деді Айдос.</p> <p> Бразилияға баратын балаларды Қазақстан футбол федерациясының вице-президенті Сейілдә Байшақов басқарған арнайы комиссия іріктеп алған.</p> <p> &laquo;Неге тек үш бала? &laquo;Copa Copa-Cola&raquo; халықаралық турнирінің ұйымдастырушылары, Қазақстанға үш квота берді. Негізі футболдан әлем біріншігінің өз комиссиясы бар. Квоталарды сол комиссия бөледі. Ал &laquo;Copa Copa-Cola&raquo; халықаралық турнирінің ұйымдастырушылары сол бөлінген квоталар бойынша өз кезегінде лайықты елдерді іріктеп, сол елдердегі футболдың дамуы мен жетістігіне қарай квоталарды таратады. Бізге үш квота бұйырды. Бұл Қазақстан үшін үлкен жетістік&raquo;, - деді &laquo;Coca Cola Былғары доп&raquo; турнирінің үйлестірушісі Фархад Сейітов.</p> <p style="text-align: center;"> <img alt="" src="/cms/uploads/images/20140606142549.jpg" style="width: 800px; height: 533px;" /></p> <p> Тағы бір айта кететін жәйт, Халықаралық футбол федерациясы балалар мен жасөспірімдер футболы бойынша 10 үздік елді таңдады. Бұл тізімге тұңғыш рет Қазақстан еніп отыр.&nbsp;</p>