Қызылордада жағажай футболының аренасы ашылды

<p> <strong>Жағажай футболы Сыр өңірінде ғана емес, жалпы Қазақстан бойынша кенже дамып жатқан ойын түрі. Еліміздің тек бірді-екілі аймақтарында ғана болмаса, жағажай футболымен айналысатындар Қазақстанда аз. Дегенмен, бұдан былай футболдың бұл түрі Қызылорда облысында қарқынды дамитын болады.</strong></p> <p> Қызылорда облыстық футбол федерациясының 2013-2020 жылдарға арналған бағдарламасына сәйкес, қаланың &laquo;Сыр самалы&raquo; жағажайында жағажай футболының аренасы салынып, пайдалануға берілді.</p> <p style="text-align: center;"> <img alt="" src="/cms/uploads/images/1d06a0bd641bf041ac31add73639d083.jpg" style="width: 580px; height: 426px;" /></p> <p> Құрылысы бір жарым айға жалғасқан аренаны Қызылорда облыстық футбол федерациясының тапсырысымен &laquo;Мелиоратор&raquo; жауапкершілігі шектеулі серіктестігі салды. Аренаның ашылу салтанатында Қызылорда облысы әкімінің орынбасары, Қызылорда облыстық футбол федерациясының президенті Нұржан Әлібаев, &laquo;Мелиоратор&raquo; ЖШС директорының орынбасары Мейрам Жұбекешов және &laquo;ҚазТрансГазАймақ&raquo; Қызылорда өндірістік филиалының директоры Болат Мұртазаев сөз сөйлеп, салтанатты түрде лентасын кесті.</p> <p> <br /> - Барлықтарыңызды бүгінгі аренаның ашылуымен шын жүректен құттықтаймын. Пайдалануға беріліп отырған жағажай футболының аренасы &ndash; жаңа дамудың бастамасы болады деп үміттенеміз. Сыр өңірінде де жағажай футболымен айналысып, елдіміздің намысын асқақтататын саңлақтар көп болады деп сенеміз,&nbsp;- деді ашылу салтанатында сөз сөйлеген Нұржан Нұрмағамбетұлы.</p> <p> <br /> Ашылу салтанаты жеткіншектер арасындағы турнирмен жалғасып, арена тарихындағы алғашқы голды №6 ОБЖСМ командасының ойыншысы Ерсұлтан Ыдырысов соқты. &laquo;ҚазТрансГазАймақ&raquo; Қызылорда өндірістік филиалы турнирдің жүлде қорын 100 мың теңге көлемінде тағайындап, бірінші орын №6 ОБЖСМ командасы жеңіп алды. Бұл команда сәйкесінше, 50 мың теңгеге ие болса, екінші орын алған командаға 30 мың теңге бұйырып, 3-орын иегері 20 мың, 4-орын иегері 15 мың теңгеге қол жеткізді. Сондай-ақ, турнирдің үздік қақпашысы Бағдәулет Әбжан мен үздік ойыншысы Құрмет Жұмағали де бағалы естелік сыйлықтармен марапатталды.</p> <p> &nbsp;</p>