Илья Ильин Анатолий Храпатыйдың турниріне қатысады

<p> <strong>Ауыр атлетикадан екі дүркін Олимпиада жеңімпазы және үш дүркін Әлем чемпионы Илья Ильин шілде айында Алматыда өтетін Анатолий Храпатый атындағы турнирде бақ сынайды.</strong></p> <p> Спортшы Еуропадағы оқу-жаттығу жиынынан оралды. Енді дайындығын екі ай бойы Астанада жалғастырады.</p> <p> <br /> Сонымен қатар, қараша айында Алматыда өтетін Әлем чемпионатына қатысу жоспарланған, әлем біріншілігінде қазақстандық Олимпиада чемпиондары Майя Манеза, Светлана Подобедова және Зульфия Чиншанло сынға түседі. Илья Ильиннің басты мақсаты &ndash; 2016 жылы Рио-де-Жанейрода өтетін Олимпиада ойындарына қатысу.</p> <p> <br /> Қазақстандық теннисші Зарина Диас Ноттингем қаласында өтіп жатқан ITF турнирінің екінші айналымына шықты. Зарина алғашқы айналымда австралиялық теннисші Оливия Роговсканы 6:2, 3:6, 6:0 есебімен ұтты.</p> <p> Айта кетейік, бұл олардың алғашқы кездесуі.20 жастағы қазақстандық теннисші келесі айналымда Тамира Пажек (Австрия) пен Наоми Броуди (Ұлыбритания) жұбының жеңімпазымен кездеседі.Естеріңізге сала кетейік, Зарина Диас Франция ашық біріншілігі - &laquo;Ролан Гаррос&raquo; турнирінен бірінші кезеңде шығып қалған еді. Ол чехиялық Петра Квитоваға есе жіберген болатын.</p>