Төрт бірдей қазақстандық боксшы Chemistry Cup додасының жартылай финалында жұдырықтасады

<p> <strong>Галле қаласында өтіп жатқан бокстан халықаралық </strong><strong>Chemistry </strong><strong>Cup </strong><strong>жарысында жартылай финал кездесулеріне төрт қазақстандық боксшы қатысады.</strong></p> <p> 30 мамыр күні күндізгі уақытта шаршы алаңға Теміртас Жүсіпов (49 келі) пен Әділбек Ниязымбетов (81 келі) шығады. Теміртас түрік боксшысы Толгахан Өзтүрікпен, ал Әділбек неміс Серж Михельмен күш сынасады.</p> <p> Кешкісін ринг төріне финал үшін болатын жолдаманы сарапқа салу үшін Ілияс Сүлейменов (52 келі) пен Берік Абдрахманов (60 келі) &nbsp;шығады. Ілияс ресейлік Василий Веткинмен, Берік немус Роберт Артуюнянмен жұдырықтасады.</p> <p> Жарысқа тағы екі былғары қолғап шеберіміз Алмасбек Әлібеков (64 келі) және Рустам Сваев (75 келі) қатысқан болатын, алайда Алмасбек ширек финалдан, ал Рустам алғашқы айналымнан ары аса алмады.</p>