Жансая Әбдімәлік халықаралық гроссмейстер атағын алды

<p> <strong>Қазақстандық 14 жастағы шахматшы Жансая Әбдімәлік әйелдер арасындағы халықаралық гроссмейстер атағын алды, деп хабарлайды Қазақстан Шахмат федерациясының сайты.</strong></p> <p> Бұл жөнінде Ресейдің Ханты-Мансийск қаласында өткен ФИДЕ-нің президенттік кеңесінде жарияланды. Жансаяның әкесі Данияр Әшіровтің айтуынша, қазақстандық шахматшыға бұл атақты беруді ФИДЕ 2012 жылдан бастап қарастырып келеді екен.</p> <p> Қазіргі уақытта Жансая Әбдімәлік 16-26 сәуір аралығында өтетін Азия чемпионатына дайындық жүргізуде. Ал мамыр айында қазақ қызы Бельгияда екі аптаға созылатын жиынға Голландия құрамасының жаттықтырушысы Владимир Чучеловпен бірге қатысады.</p> <p> Сонымен қатар, кеңес қорытындысы бойынша халықаралық арбитр атағы Павел Коцурге (Павлодар), ФИДЕ төрешісі атағы Евгений Егоровқа (Павлодар) берілді.</p> <p> &nbsp;</p>