Василий Левит Astana Arlans-қа жеңісті алып берді

<p style="text-align: justify;"> <strong>WSB Бүкіләлемдік бокс сериясының төртінші маусымының Astana Arlans және Team Germany командалары арасындағы 1/4 финалының бірінші кездесуінде 91 кг салмақтағы Артур манн мен Василий Левит жекпе-жекке шықты.</strong></p> <p style="text-align: justify;"> Левит алғашқы кезеңді жақсы бастады. Бірқалыпты қарсыласына шабуыл жасап тұрды, ал Артур Манн болса, алғашында қорғаныста жатып алды, сосын қарсыласын соққының астына алды.</p> <p style="text-align: justify;"> Әдетте ауыр салмақтағы боксшылар үшінші раундқа келгенде шаршап қалып жататын, бірақ бүгін Василий Левит ерекше жігермен шығыпты, соққы жасауды бір сәтке де тоқтатпады. Манн өз кезегінде, қорғаныста сәтті қимылдады.</p> <p style="text-align: justify;"> Соңғы бесінші раундта ешқандай өзгеріссіз Василийдің басымдығымен өтті. Артур болса бүкіл кезең бойы қорғануға мәжбүр болды.</p> <p style="text-align: justify;"> Соңғы шешуші жекпе-жекте, бес раундтың қорытындысы бойынша 0:3 (44:50, 45:50, 45:50) қазақстандық былғары қолғап шебері Василий Левит жеңіс туын желбіретті. Сөйтіп, сырт алаңда 2:3 есебімен Aстана Арландары Team Germany командасын ұтты.</p>