Ақылбек және Шадукаев Болгариядағы халықаралық турнирде жеңімпаз атанды

<div style="text-align: justify;"> <strong>Болгарияның Пловдив қаласында жастар арасындағы &laquo;Петко Сираков - Иван Илиев&raquo; XVII халықаралық турнирі өз мәресіне жетті.&nbsp;</strong></div> <div style="text-align: justify;"> &nbsp;</div> <div style="text-align: justify;"> Дәстүрлі жарысқа 14 команда қатысты: Әзірбайжан, Болгария, Хорватия, Венгрия, Жапония, Қазақстан, Румыния, Ресей, Сербия, Словакия, Түркменстан және АҚШ. Қазақстан намысын грек-рим күресі командасы қорғады. Классиктеріміз сегіз салмақтың жетеуінде жүлдеге қол жеткізіп, жалпы қос алтын, төрт күміс және үш қола медаль еншіледі.</div> <div style="text-align: justify;"> &nbsp;</div> <div style="text-align: justify;"> Қанағат Ақылбек 50 келі салмақ дәрежесінде турнир жеңімпазы атанды. Ол өз жолында Болгария (8:8), Венгрия (4:2) балуандарынан және ақтық сында Отандасы Мейрамбек Нәдірбаевтан (10:2) басым түсті. Нәдірбаев сәйкесінше күміске қол жеткізді. 74 келі салмақ дәрежесінің финалында да қос қазақстандың балуан кездесті. Темірлан Шадукаев венгр (10:1), серб (5:1), әзірбайжаннан (16:7) және бірінші орын үшін таласта Мирас Баршалықовтан (6:4) айласын асырды. Сонымен қатар, жүлделі екінші орыннан Дамир Зарлыханов (55 кг) және Мансур Шадукаев (120 кг) көрінді.&nbsp;</div> <div style="text-align: justify;"> &nbsp;</div> <div style="text-align: justify;"> Ал, Рамазан Мұстафаев (74 кг), Мейрамбек Айнағұлов (60 кг) және Вячеслав Фатеев (66 кг) "Петко Сираков - Иван Илиев" додасының қола жүлдегері атанды.</div>