Чарло: Головкинге қарағанда, «Канелоға» қарсы кездесуді көбірек қалаймын

Америкалық боксшы Джермалл Чарло (28-0, 21 KO) 30 маусымда Хьюстонда Брэндон Адамспен (21-2, 13 КО) жұдырықтаспас бұрын рингте кіммен жекпе-жек өткізгісі келетінін айтты, деп хабарлайды Prosports.kz сайты.

«Сауль Альвареспен жұдырықтасқым келеді. Геннадий Головкинге қарағанда, «Канелоға» қарсы кездесуді көбірек қалаймын. Бұл уақыттың еншісінде. Ол интернетте менің есімімді атай бермеуі керек. Бір нәрсе ойлап табамыз, маған сеніңіздер.

Мен онымен Мексикада жұдырықтасамын. Мен Мексиканы жақсы көремін», - деді Чарло.