Промоутер GGG – «Канело» реваншының қашан және қайда болуы мүмкін екенін атады

Los Angeles Times журналисі Лэнс Пагмайер қазақстандық боксшы Геннадий Головкиннің промоутері Том Леффлерге сілтеме жасап, GGG мен мексикалық Сауль Альварес арасындағы үшінші жекпе-жектің қашан және қайда өтуі мүмкін екенін хабарлады, деп жазады Prosports.kz <span>сайты. </span>

Ол реванштың биыл 14 қыркүйекте өтетінін мәлім етті. Кездесу Madison Square Garden (Нью-Йорк, США), AT&T (Арлингтон, Техас штаты) және Alamo Stadium (Сан-Антонио, Техас штаты) ареналарының бірінде болуы ықтимал.

Боксшылардың алғашқы екі жекпе-жегі 2017 және 2018 жылдары қыркүйекте Лас-Вегаста өткен болатын. Біріншісі тең есеппен аяқталса, екінші кездесуде «Канело» төрешілер шешімімен жеңіске жетті.