Нұр-Сұлтанда GGG-дің жекпе-жегін дауыс беріп жатып көруге болады

Сайлаушылар қазақстандық боксшы Геннадий Головкин мен канадалық Стив Роллстың жекпе-жегін Нұр-Сұлтандағы сайлау учаскелерінде көре алады. Бұл туралы Sputniknews.kz сайты мәлім етті. 

Кездесу ҚР Президентінің сайлауы күні – 9 маусымда Нью-Йорктегі Madison Square Garden аренасында өтеді.

«Біздің белгілі боксшы Геннадий Головкиннің халық тағатсыздана күткен жекпе-жегі таңғы сағат 7:00 мен 10:00 аралығында болады. Барлық сайлау учаскесінде дауыс беру залынан бөлек бөлме дайындап жатырмыз. Ол жерде Головкиннің жекпе-жегін тікелей эфирде тамашалауға болады», - деді елорда әкімінің орынбасары Ерлан Қаналимов.