Данияр Елеусінов Қазақстанда титулды жекпе-жек өткізуі мүмкін

Қазақстандық кәсіпқой боксшы Данияр Елеусіновтің (7-0, 3 КО) қашан шаршы алаңға оралатыны белгілі болды.

Олимпиада чемпионы кәсіпқой рингтегі сегізінші жекпе-жегін 27 шілде күні өткізеді. Бокс кеші Техаста не Даллас қаласында өтуі мүмкін. Бұл кездесуден соң Данияр Елеусінов Қазақстанда титулды жекпе-жекке шығуы мүмкін.

Айта кетейік, соңғы жекпе-жегінде Данияр Елеусінов Чили боксшысы Луис Норамбуэнаны (3-2-1, 0 КО) төрешілердің бірауыздан қабылдаған шешімімен жеңген болатын.