Головкин америкалық нокаутермен спарринг өткізді

WBC, WBA және IBF тұжырымдары бойынша әлемнің бұрынғы чемпионы алдағы жекпе-жегіне дайындығын жалғастырып жатыр, деп хабарлайды Prosports.kz сайты.

Жаттығу аясында қазақстандық боксшы америкалық Джонатан Эскивельмен спарринг өткізді. 24 жастағы боксшы бұл туралы өзінің Твиттерінде жазды: «Бүгін Геннадий Головкинмен спаррингке шықтым».

Айта кетейік, Эскивель кәсіпқой рингте 10 жекпе-жек өткізіп, оның бәрін жеңіспен аяқтаған, 9-ы – нокаутпен.

Естеріңізге салсақ, Головкиннің келесі қарсыласы канадалық Стив Роллс болады. Жекпе-жек 9 маусымда Нью-Йоркте өтеді.

Қазір боксшы алдағы жекпе-жекке Шейн Мозлидің залында дайындалып жатыр.