Аида Сатыбалдинова ер адаммен спарринг өткізді

Қазақстандық боксшы қыз Аида Сатыбалдинова келесі жекпе-жегіне дайындалып жатыр, деп хабарлайды Prosports.kz сайты.

Инстаграмдағы парақшасында Аида жаттығудан түсірілген фотосуреттерді жариялаған, бұл жазбасы көп адамды таңғалдырды. Сатыбалдинова ер адаммен спарринг өткізген.

Ол өзімен спарринг өткізген жігітке алғысын айтты.

«Спарринг үшін рақмет, Луис. Жекпе-жекке дайындық жалғасып жатыр. Кездесу маусымда өтеді. Нақты уақытын кейінірек айтамын, достар», - деп жазды Сатыбалдинова.