Орта Азияда теңдесі жоқ спорттық алаң ашылды

<p style="text-align: justify;"> <strong>Өскемен қаласында &nbsp;олимпиада чемпионы Ольга Рыпакова атындағы жеңіл атлетика алаңының салтанатты ашылуы өтті.</strong></p> <p style="text-align: justify;"> ШҚО ақпараттық орталығының хабарлауынша, жаңа нысанның қабырғасындағы алғашқы жарыс 1960 жылғы Олимпиада ойындарының күміс жүлдегері, КСРО-ның еңбек сіңірген спорт шебері Гусман Қосановты еске алуға арналған жеңіл атлетика бойынша облыстық чемпионат болмақ.</p> <p style="text-align: justify;"> Сонымен қатар, жаңа спорт нысанында облыстың жас спортшыларының шынығуына жағдай жасалып, барлық балалардың қатысуына мүмкіндік берілмек.</p> <p style="text-align: justify;"> &laquo;Мемлекет басшысының саясаты азаматтардың өмір сүру деңгейіне, соның ішінде денсаулығының жақсаруына бағытталған. Өздеріңіз де білесіздер, халықтың кемінде 30 пайызының спортпен айналысуына жағдай жасауымыз керек. Бұл көрсеткішті барынша молынан көтеру үшін 3 жыл ішінде облыста 300 спорт нысаны салынды. Соңғы манеждің ашылуына &laquo;Қазатомпром&raquo; компаниясы үлкен ұлес қосты. Жеңіл атлетика алаңы шығыс қазақстандықтарға Наурыз мерекесіне орай сыйлық. Енді біздің жастарымыз бұрынғыдан да шыныға түседі&raquo;, - деді облыс әкімі Бердібек Сапарбаев.</p> <p style="text-align: justify;"> Айта кету керек, ғимараттың құрылысы құны 850 млн теңгеге жетті. Соның 700 млн теңгесін &laquo;Қазатомпром&raquo; ҰК&raquo; АҚ берген. Қалған қаражат &laquo;Парыз&raquo; қоры тарапынан аударылды. Ғимараттың жалпы ауданы 6910,85 шаршы метрді құрайды</p> <p style="text-align: justify;"> Естеріңізге сала кетейік, Шығыс Қазақстан облысы спорттық нысандарды көбейту бойынша елімізде алдыңғы қатарда.</p>