Кукушкиннің Мадрид турниріндегі қарсыласы анықталды

Қазақстанның бірінші, әлемнің 40-ракеткасы Михаил Кукушкиннің Мадрид турниріндегі қарсыласы анықталды, деп хабарлайды ҚазАқпарат.

<span>Жүлде қоры 6,5 млн еуродан асатын ірі жарыстың алғашқы айналымында қазақстандық теннисші рейтингте өзінен бір саты төмен тұрған, 35 жасар германиялық Филипп Кольшрайбермен кездеседі. </span>

<span>Оны жеңген жағдайда әлемнің 17-ракеткасы, грузиялық Николоз Басилашвили немесе рейтингте 31-орындағы америкалық Фрэнсис Тиафоның біреуімен кортқа шығады. </span>

<span>Кукушкин осының алдындағы Эшторил турнирінде дәл осы Ф.Тиафоға есе жіберген болатын. </span>

<span>Қазіргі кезде іріктеу сайыстары болып жатқан Мадрид турнирі 12 мамырда мәреге жетеді. Оған әлемнің бірінші ракеткасы, сербиялық Новак Джокович, испаниялық Рафаэль Надаль, осы жарыстың өткен жылғы жеңімпазы, германиялық Александр Зверев, швейцариялық Роджер Федерер сынды мықтылар қатысады.</span>